'مجھے کامیاب ہونے کیلئے فواد خان یا سنجے لیلا بھنسالی کی ضرورت نہیں'
پاکستان کی معروف اداکارہ حرا مانی کا کہنا ہے کہ 'مجھے کامیاب ہونے کیلئے فواد خان یا سنجے لیلا بھنسالی کی ضرورت نہیں ہے بلکہ کامیاب ہونے کیلئے بس اچھی پرفارمنس درکار ہوتی ہے جو آپ کہیں بھی دے سکتے ہیں'۔
ایک حالیہ انٹرویو میں حرا نے کیریئر کے دوران اپنی کامیابیاں گنواتے ہوئے کہا کہ 'انہوں نے اپنے کیریئر کے پہلے ڈرامے میں مرکزی کردار ادا کیا تھا جبکہ دوسرے ڈرامے میں ثانوی کردار ادا کیا، اسی طرح پھر مرکزی اور پھر ثانوی متعدد کردار ادا کئے۔
ڈرامہ سیریل 'دو بول' سے شہرت کی بلندیوں کو چھونے والی اداکارہ کا کہنا ہے کہ 'انڈسٹری میں کوئی بھی اداکارہ اپنے کرداروں کے ساتھ اس طرح نہیں کھیلتا'۔
انہوں نے مزید کہا 'میں یہ بات میں اپنے منہ سے کہہ رہی ہوں کہ میں وہ واحد لڑکی ہوں جو بچوں کی پیدائش (ماں بننے) کے بعد اس انڈسٹری میں آئی اور ہیروئن بنی'۔
اُن کا مزید کیا کہنا ہے ذیل میں ویڈیو ملاحظہ کریں۔
واضح رہے کہ حرا مانی کی شادی سنہ 2008 میں سلمان ثاقب شیخ عرف مانی سے ہوئی جن سے اُن کے دو بیٹے مزمل اور ابراہیم ہیں۔
شان کی نیم برہنہ تصاویر وائرل، سوشل میڈیا پر تنقید کا سامنا
سی آئی ڈی کب نشر ہوگا؟ نئے سیزن کی شوٹنگ شروع
میں ’PCOS‘کا شکار تھی، سونم کپور کا تہلکہ خیز انکشاف
اسٹیٹ بینک کا 55 روپے کا سکہ جاری کرنے کا اعلان
نوجوان غیراخلاقی ویڈیو نہ بنائیں اور نہ اسے وائرل کریں، چاہت فتح علی خان
Comments are closed on this story.