لاہور: سری لنکا کیخلاف 11 دسمبر سے شروع ہونے والی ٹیسٹ سیریز کیلئے پاکستان کے اسکواڈ کا اعلان ہفتے کو کیا جائے گا۔ فواد عالم کی قومی ٹیم میں شمولیت کا امکان ہے۔

مایوس کن دورہ آسٹریلیا کے بعد اب شاہین سری لنکا سے 2 ٹیسٹ کی سیریز کھیلیں گے۔ چیف سلیکٹر مصباح الحق ہفتے کو اسکواڈ کا اعلان کریں گے۔

ذرائع کے مطابق اسکواڈ میں چند تبدیلیاں متوقع ہیں۔ سمیع اسلم اور راحت علی کی واپسی کا امکان ہے جبکہ حالیہ ڈومیسٹک سیزن میں چوتھی سنچری بنانے والے فواد عالم بھی سلیکشن کیلئے مضبوط امیدوار ہیں۔

عمران خان سینئر، امام الحق، حارث سہیل کی جگہ خطرے میں ہے۔ جبکہ نسیم شاہ کو انڈر 19  ورلڈکپ کیلئے ریلیز کیا جائے گا۔