برسبین ٹیسٹ میں شاہین مشکل میں پڑگئے، دوسرا روز بھی کینگروز کے نام رہا۔ یہ صورتحال مزید بگڑ سکتی تھی مگر امپائرز نے تو جیسے آنکھوں پر پٹیاں باندھ رکھی تھیں۔

آسٹریلوی بلے بازوں نے قومی بولرز کے اوسان خطا کردیئے، پورے دن کے کھیل میں آسٹریلیا نے ایک وکٹ پر 312 رنز بنا ڈالے اور پہلی اننگز میں 72 رنز کی برتری بھی حاصل کرلی۔

قومی بولرز کا بھرم ٹوٹ گیا، کینگروز کے سامنے بے بس ہوگئے۔ لیگ اسپنر یاسرشاہ کا جادو چلا اور نہ فاسٹ بولرز کی برق رفتاریاں کام آئیں۔ پورے دن اکیس نو بالز بھی کرائیں لیکن امپائرز کی آنکھوں پر پٹی بندھی رہی۔

This is astonishing.

Huge talking point & something the ICC HAS to look at.

21 no balls not called in two sessions...🙊 #AUSvPAK @7Cricket @7Sport pic.twitter.com/SAdFIWuGw4

— Trent Copeland (@copes9) November 22, 2019

امپائرز کی سنگین غلطیوں پر کمنٹیٹرز اور آسٹریلیا کے سابق کپتان رکی پونٹنگ شدید برہم نظر آئے۔ انہوں نے امپائرنگ کے معیار پر انگلیاں اٹھاتے ہوئے اسے کھیل کیلئے خطرہ قرار دے دیا۔

"That's not good enough"

Ricky Ponting discusses the no balls that were called - and those that weren't - on day two in Brisbane #AUSvPAK pic.twitter.com/FYGIt3EXQ9

— cricket.com.au (@cricketcomau) November 22, 2019

واضح رہے کہ آسٹریلیا نے دوسرے روز کے کھیل میں ہنستے کھیلتے 312 رنز بنائے۔ جو برنز نے 97 اور لبوشانے نے ففٹی اسکور کی۔

ڈیوڈ وارنر نے کیرئیر کی 22 ویں سنچری جڑدی، وہ 151 رنز پر ناٹ آؤٹ ہیں اور کل اسی اسکور سے اپنی اننگز کو آگے بڑھائیں گے۔