لاہور: سابق اسٹار اسپنر سعید اجمل بھی کوچنگ کے لئے میدان میں آگئے، قومی ٹیم کے اسپن بولنگ کنسلٹنٹ کیلئے درخواست دے دی۔

  پی سی بی نے قومی کرکٹ ٹیم کے اسپن بولنگ کنسلٹنٹ کے عہدے کیلئے اشتہار دے رکھا ہے جس کیلئے سعید اجمل نے بورڈ میں درخواست جمع کروادی ہے۔

سعید اجمل نے 35 ٹیسٹ، 113 ون ڈے اور 64 ٹی ٹوئنٹی میچوں میں پاکستان کی نمائندگی کی۔

جادو گر اسپنر نے ٹیسٹ میں 178، ون ڈے میں 184 اور ٹی ٹوئنٹی میں 85 وکٹیں حاصل کیں۔

سعید اجمل کے مطابق پاکستان نے انہیں عزت دی ہے، اب وہ اپنا تجربہ نوجوان کرکٹرز کو منتقل کرکے پاکستان کی خدمت کرنا چاہتے ہیں۔