لندن: لندن میں نواز شریف کے علاج کے لیے چندے کی اپیل پر مبنی اشتہارات چسپاں کردیے گئے۔

رپورٹ کے مطابق مشرقی لندن کی دکانوں پر آویزاں پوسٹرز میں اپیل کی گئی ہے کہ "قومی ہیرو کے لیے صدقہ زکوٰة جمع کرائیں۔"

تاہم یہ واضح نہیں ہوسکا کہ یہ پوسٹرز کس نے لگائے ہیں، آیا کہ یہ ن لیگ کی طرف سے لگائے گئے ہیں یا کسی نے شرارت کی ہے؟ اس حوالے سے ن لیگ کا موقف سامنے نہیں آسکا ہے۔

واضح رہے کہ مشرقی لندن کے علاقے میں پاکستانیوں کی بڑی تعداد مقیم ہے۔

نواز شریف منگل کو خصوصی ایئر ایمبولینس کے زریعے لندن پہنچے تھے جہاں بدھ کے روز ان کے گائیز اینڈ تھامس ہسپتال میں مختلف ٹیسٹ کیے گئے۔