پشاور: پشاور یونیورسٹی کے نابینا طلبعلم عمیر طیب نے شاندار کارنامہ انجام دے دیا، انہوں نے شعبہ اسلامیات میں گولڈ میڈل حاصل کرکے سب کو حیران کردیا۔

 ہو جیت کا جذبہ تو منزل تک پہنچنے میں حائل رکاوٹیں کچھ نہیں کرسکتیں، پشاور یونیورسٹی کے طالب علم عمیر طیب نے اس بات کو سچ کر دیکھایا۔

 عمیر طیب نے بینائی سے محرومی کو کامیابی میں رکاوٹ بننے نہ دیا اور شعبہ اسلامیات میں گولڈ میڈل حاصل کرلیا۔

 عمیر طیب کو جب گولڈ میڈل ملا تو کانووکیشن ہال تالیوں سے گونج اٹھا، عمیر کے ساتھ ساتھ ان کی کامیابی پر ان کے والد کی خوشی بھی دیدنی تھی۔

 عمیر طیب کی خواہش ہے کہ پی ایچ ڈی کرکے ملک کا نام دنیا میں روشن کرے۔