دادو: سندھ اسمبلی کے حلقہ پی ایس 86 جوہی پر ضمنی انتخاب میں پولنگ کا عمل جاری ہے، پیپلزپارٹی اور تحریک انصاف کے درمیان سخت مقابلہ متوقع ہے، الیکشن کمیشن نے بھی تیاریاں مکمل کرلی ہیں۔

پیپلزپارٹی کے صالح شاہ جیلانی اور پی ٹی آئی کے امداد لغاری میں سخت مقابلہ متوقع ہے،  آج ہونے والے انتخاب کیلئے ضلع بھر میں عام تعطیل ہے۔

158 پولنگ اسٹیشنز میں سے 10 انتہائی حساس اور 62 حساس ہیں، جبکہ فوج کے جوانوں کی نگرانی میں پولنگ اسٹیشن کا سامان بھی پہنچایا گیا ہے۔

آج ایک لاکھ 99 ہزار 858 ووٹرز اپنا حق رائے دہی استعمال کریں گے۔

یہ نشست پیپلزپارٹی پارٹی کے ایم پی اے سیدغلام شاھ جیلانی کے انتقال کے باعث خالی ہوئی۔