برصغیر میں کرکٹ کو صرف ایک کھیل نہیں بلکہ زندگی کا حصہ مانا جاتا ہے، اس کی تازہ مثال امریکا میں مقیم اس پاکستان کرکٹ کے مداح نئے نویلے جوڑے کو کہہ سکتے ہیں جس نے اپنی شادی کی تقریب کا زیادہ تر حصہ پاکستان اور آسٹریلیا کے درمیان ہونے والا میچ دیکھتے ہوئے گزارا۔

برصغیر (چاہے پاکستان ہو، بھارت ہو، بنگلادیش ہو یا سری لنکا) میں ہر فتح کو کسی تہوار کی طرح منایا جاتا ہے، اسی طرح اگر ٹیم میچ ہار جائے تو اس کا غم بھی سب ہی کو ہوتا ہے۔

امریکا سے تعلق رکھنے واے ایک پاکستانی کرکٹ شائق حسن تسلیم نے انٹرنیشنل کرکٹ کاؤنسل (آئی سی سی) کو اپنی شادی کے دن کی ایک تصویر بھیجی جس میں انہیں اپنی نئی نویلی دلہنیا کے ساتھ میچ دیکھتے ہوئے دیکھا جاسکتا ہے۔

آئی سی سی کی جانب سے اس تصویر کو آفیشل ٹوئٹر اکاؤنٹ سے شیئر کیا گیا اور بتایا کہ مداح نے یہ تصویر ہم سے شیئر کی اور ایک نوٹ بھی لکھا جس میں اس نے بتایا کہ 'پاکستان ٹیم کو کھیلتا دیکھنے کے لئے میں نے اور میری اہلیہ نے اپنی شادی کو آڑے نہیں آنے دیا'۔

Here's a message we got from a fan in the US 👫#CoupleGoals

You know it's love when ... pic.twitter.com/4YuGImuXjW

— ICC (@ICC) November 6, 2019

واضح رہے کہ آئی سی سی کے آفیشل اکاؤنٹ سے شیئر ہونے والی اس تصویر کو کرکٹ شائقین سمیت سوشل میڈیا صارفین خوب پسند کررہے ہیں۔