پاکستان کے معروف ڈرامہ رائٹر خلیل الرحمان قمر کے کچھ روز قبل دیئے گئے انٹرویو کے چرچے اب تک جاری ہیں جس میں انہوں نے کہا تھا کہ خواتین اگر برابری چاہتی ہیں تو وہ مردوں کا گینگ ریپ کریں۔ تاہم اب انہوں نے ایک اور انٹرویو دیتے ہوئے پھر سے تہلکہ مچادیا ہے۔

اپنے ایک حالیہ انٹرویو میں انہوں نے کہا ہے کہ 'میں ہر عورت کو عورت نہیں کہتا۔ جس عورت کے پاس وفا اور حیا نہیں وہ میرے نزدیک عورت ہی نہیں ہے'۔

انہوں نے مزید کہا کہ 'اگر کوئی عورت برا کام انجام دے تو اس سے پوری نسل برباد ہوتی ہے اور مرد کے برے کاموں سے معاشرہ خراب ہوتا ہے'۔

خلیل الحمان قمر کو اس سے قبل بھی ان کے حالیہ ڈرامے 'میرے پاس تم ہو' (جو نجی ٹی وی پر نشر کیا جارہا ہے) میں ہیروئن کے کردار اور کہانی سے متعلق متنازع پر خوب تنقید کا نشانہ بنایا جارہا ہے۔

اس ڈرامے میں ایک لالچی خاتون کو اپنے شوہر کو دولت کی خاطر دھوکا دیتے ہوئے دکھایا گیا ہے، یہ خاتون ایک امیر شخص سے اپنے تعلقات بناتی ہے کیونکہ اس کا شوہر پیسے والا نہیں ہے۔

ڈرامے کی اس کہانی اور خاتون کے کردار پر سوشل میڈیا پر خوب بحث جاری ہے جبکہ مصنف خلیل الرحمان قمر کے متنازع بیان کو بھی کڑی تنقید کا نشانہ بنایا جارہا ہے۔

انہوں نے حالیہ انٹرویو میں اس بات کی وضاحت کی ہے کہ 'میری باتوں کو اس قدر غلط انداز میں سمجھا گیا جس پر مجھے افسوس ہوتا ہے کیونکہ میں نے اب تک جتنے بھی ڈرامے لکھے ہیں، ان میں سے کسی ایک میں بھی عورت کے مقام کو میں نے گرنے نہیں دیا'۔

یہ بھی پڑھیں: اگر خواتین برابری چاہتی ہیں تو مردوں کا ریپ کریں، خلیل الرحمان قمر

انہوں نے مزید کہا کہ 'اگر کوئی عورت غلط کام کرتی ہے تو آپ اس کے کام کو غلط قرار دیتے ہیں اس کی ذات کو نہیں۔ یہی میں نے "میرے پاس تم ہو" میں کیا ہے'۔

انہوں نے یہ بھی کہا کہ 'میرے بارے میں کہا جارہا ہے کہ میں نے خواتین کے ذریعے مردوں کے گینگ ریپ کی بات کی ہے۔ ہاں کی ہے۔ کیونکہ میں جانتا ہوں عورتیں ایسا نہیں کرسکتیں۔ مرد ایسا کرتے ہیں۔

انہوں نے کہا کہ ایک عورت اگر کوئی غلط کام کرتی ہے تو اس سے ایک پوری نسل خراب ہوتی ہے اور اگر مرد کوئی غلط کام کرے تو اس سے پورا معاشرہ خراب ہوتا ہے'۔

انہوں نے کہا کہ 'میری باتوں کو سمجھا ہی نہیں گیا اس لئے مجھ پر تنقید کی جا رہی ہے۔ لیکن مجھے اس کی کوئی پرواہ نہیں'۔

انہوں نے مزید کہا کہ 'اگر خواتین رائٹرز مجھ پر تنقید کر رہی ہیں تو میں انہیں کچھ نہیں کہوں گا کیونکہ وہ میرے قبیلے کی ہیں۔ رہی بات چھوٹے موٹے فنکاروں کی تو میں انہیں فنکار ہی نہیں مانتا اور نہ ہی میں انہیں تنقید کرنے کا حق دوں گا'۔

واضح رہے کہ خلیل الرحمان قمر کے انٹرویو پر نہ صرف عام عوام بلکہ شوبز شخصیات نے بھی تنقید کی تھی۔ گلوکارہ میشا شفیع کو ایک راحت حسین نامی صارف نے بڑا ڈرامہ قرار دیا تو انہوں نے طنزاً کہا تھا کہ کم از کم مجھے خلیل الرحمان قمر نے نہیں لکھا ہے۔

At least I’m not written by ’Khalil ur Rehman Qamar’ 🙏🏼 https://t.co/I6EfXay5bZ

— MEESHA SHAFI (@itsmeeshashafi) November 2, 2019

علی گل پیر نے لکھا تھا کہ ان خیالات کا حامل شخص ہماری ڈرامہ انڈسٹری کا سب سے معروف مصنف ہے۔ اگر ایسے لوگ ڈرامے لکھیں گے تو پھر اندازہ کرلیں کہ آپ کو ٹی وی پر کیا دیکھنے کو ملے گا۔

And this guy is the most sought-after writer in our TV industry. If he is the one writing the dramas then you can expect the kind of shit you see on TV https://t.co/R5txWrNK3Y

— Ali Gul Pir (@Aligulpir) October 31, 2019