فیصل آباد: اوپننگ بلے باز احمد شہزاد کے ستارے پھر گردش میں آگئے، قائداعظم ٹرافی میں سینٹرل پنجاب کے کپتان احمد شہزاد کو بال ٹیمپرنگ پر چارج کردیا گیا۔

فیصل آباد کے اقبال اسٹیڈم میں سندھ کیخلاف میچ میں بال سے چھیڑ چھاڑ کس کھلاڑی نے کی، اس کا علم نہ ہوسکا لیکن سینٹرل پنجاب کی قیادت کرنے والے احمد شہزاد پھنس گئے۔

پاکستان کرکٹ بورڈ کے مطابق جمعے کے روز سزا کا فیصلہ کیا جائے گا۔

ذرائع کا کہنا ہے کہ ان پر میچ فیس کا 50 فیصد جرمانہ یا ایک میچ کی پابندی لگائی جاسکتی ہے۔