برسبین: پاکستان کیخلاف ٹی ٹوئنٹی سیریز سے قبل کینگروز نے سری لنکنز کو ڈھیر کردیا، دوسرے ٹی ٹوئنٹی میں 9 وکٹوں سے باآسانی میدان مارکر 3 میچوں کی سیریز میں 0-2 کی فیصلہ کن برتری حاصل کرلی۔

آسٹریلوی بولرز کے وار کے آگے آئی لینڈرز کی بیٹنگ لائن برسبین میں بھی دھوکا دے گئی۔ کوئی بھی کھلاڑی زیادہ دیر وکٹ پر نہ ٹک سکا اور 117 رنز پر اننگز کا خاتمہ ہوا۔

ہدف کے تعاقب میں وارنر اور اسمتھ نے بولرز کی خبر لیتے ہوئے جارحانہ نصف سینچریاں جڑ دیں۔

کینگروز نے 118 رنز کا مطلوبہ ہدف باآسانی 13 اوورز میں پورا کرلیا۔