اسلام آباد: پولیس نے کارروائی کرتے ہوئے جمیعت علماء اسلام کے رہنما کے رہنما مفتی کفایت اللہ کو گرفتار کرکے ہری پور منتقل کر دیا، انہیں اسلام آباد کے علاقے ای الیون تھری میں‌ واقع طوبیٰ مسجد سے حراست میں‌ لیا گیا۔

بتایا گیا ہے کہ جے یو آئی رہنما مفتی کفایت اللہ کو نقص امن کے خدشے کے پیش نظر گرفتار کیا گیا، خاندانی ذرائع نے گرفتاری کی تصدیق کرتے ہوئے بتایا کہ مفتی کفایت اللہ کو  ہری پور جیل میں زیرحراست رکھا گیا ہے۔

سیکیورٹی اداروں اور مانسہرہ پولیس نے رات 4 بجے وفاقی دارالحکومت میں آپریشن کیا اور 3 ایم پی اے کے تحت گرفتار کر لیا۔

مفتی کفایت اللہ جے یو آئی مانسہرہ کے امیر اور سابق رکن قومی اسمبلی ہیں۔