کراچی: شہدائے کربلا کا چہلم آج مذہبی عقیدت و احترام سے منایا جارہا ہے۔ اس دن کی مناسبت سے ملک بھر میں علم، ذوالجناح اور تعزیے کے جلوس برآمد ہوں گے۔

 اس موقع پر سیکیورٹی کے سخت انتظامات کیے گئے ہیں، سندھ میں دفعہ 144 نافذ ہے، کراچی میں جلوس کی گزرگاہوں پر موبائل فون سروس بند رہے گی۔

جلوس کی گزرگاہوں کے اطراف سڑکوں کو کنٹینرز رکھ کر بند کردیا گیا ہے، کراچی میں چہلم کا مرکزی جلوس نشتر پارک سے برآمد ہوگا۔

دوسری جانب چونیاں میں شہدائے کربلا کے چہلم کا قدیمی ماتمی جلوس برآمد ہوکر اپنی منزل کی جانب رواں دواں ہے، جلوس کی سیکیورٹی کے سخت انتظامات کیے گئے ہیں ۔