پاکستان کی نامور اداکارہ اشنا شاہ نے گزشتہ دنوں پیزا ڈلیوری بوائے سے متعلق کی جانے والی ٹوئٹس پر معذرت کرلی۔

انہوں نے سماجی رابطے کی ویب سائٹ انسٹاگرام پر ایک ویڈیو جاری کرتے ہوئے معذرت کی اور کہا کہ عموماً میں متنازع معاملات پر ردعمل دینے سے گریز کرتی ہوں لیکن یہ بات اپنے مداحوں کو واضح کرنا چاہتی ہوں کہ میں نے کسی کو بھی جان بوجھ کر تنگ نہیں کیا۔

اشنا شاہ نے ٹوئٹس کرنے کی غلطی تسلیم کرتے ہوئے کہا کہ انہوں نے وہ ٹوئٹس ایسے ہی کردی تھیں لیکن اسے توڑ مروڑ کر پیش کیا گیا۔

انہوں نے کہا کہ وہ پیزا ڈلیوری اکثر آتا اور اس سے میرا اسٹاف آرڈر وصول کرتا ہے لیکن اس روز اسٹاف کی غیر موجودگی کے باعث انہیں خود جانا پڑا، ویڈیو ملاحظہ کریں۔

 

View this post on Instagram

 

Sticks & stones may.. nevermind. Haven’t had a controversy in a while but vow world! sometimes so much love and sometimes so much heavy-heavy nafrat. Why does it take split seconds to form such intense opinions 😶 I’m assuming nobody has never misworded something or said something politically incorrect in the moment. Social media can decide a person’s character to be flawed based on retweets & an isolated screenshot? I’m all up for constructive criticism but so much unwarranted fury? I know this stuff dies down & a new scapegoat replaces the old one but isn’t this a bit much? I made a statement as a joke (which was delivered as a joke and laughingly taken as a joke) A statement every mother/father/teacher/older sibling from the previous generation has made at some point. A statement one still hears, it isn’t a complete taboo. I REALIZED how backwards it was as per today’s woke culture and my own morals hence I shared it publicly and I’m suddenly the new Kanye? (I wish weisay). ITNA ghussa without even knowing everything? ITNI rage that nobody bothers hearing the backstory or hearing one out?Speaking of unwarranted rage, please watch the video until the end if possible. Thank you and bhai ab buss 🙏 there are bigger and more real issues. I DO NOT bully people and I sure as heck don’t tolerate BEING BULLIED. Enough. And since desperate times call for desperate measures I’m going to quote Jesus: let he who has not sinned (in this case made a tone deaf joke to someone who genuinely found it funny) cast the first stone (tweet). Officially moving on. #ushnashah #ushna

A post shared by Ushna Shah (@ushnashah) on Oct 16, 2019 at 1:17am PDT

انہوں نے اس بات پر افسوس کا اظہار کیا کہ لوگوں نے ٹویٹ کی اصل کہانی جانے کے بنا ہی غصے کا اظہار اور ذاتی حملے کرنا شروع کردیئے۔ اشنا نے یہ بھی کہا کہ جن لوگوں نے مجھے گالیاں دیں ان کے لئے میری کوئی معذرت نہیں ہے۔

تاہم ان کا کہنا ہے کہ میں اپنی جانب سے غیر ارادی طور پر کی جانے والی غلطی پراُس لڑکے سے معذرت کرتی ہوں۔

اداکارہ اُشنا شاہ کی پیزا ڈلیوری بوائے کے ساتھ شرمناک حرکت

پاکستانی ڈرامہ انڈسٹری سے وابستہ اداکارہ اُشنا شاہ کو پیزا ڈلیوری بوائے کی تضحیک کرنے پر سوشل میڈیا صارفین کی شدید تنقید کا نشانہ بنا ڈالا۔

اُشنا شاہ نے ٹویٹر پر پیزا ڈلیوری بوائے کی تضحیک پر مشتمل اپنی ایک ٹوئٹ شیئر کی جس میں انہوں نے تفصیلات بتاتے ہوئے لکھا کہ انہوں نے رات گئے پیزا آرڈر کیا، جب پیزا ڈلیوری بوائے نے گھر کی گھنٹی بجائی تو اس وقت میرے ہاتھوں میں میری پالتو کتیا تھی جسے لڑکا دیکھ کر خوف زدہ ہوگیا اوراندر آنے سے انکار کردیا۔

اداکارہ کا کہنا تھا کہ جب لڑکے نے اندر آنے سے انکار کیا تو میں نے صنفی امتیاز پر مشتمل گفتگو کرتے ہوئے لڑکے سے کہا کہ مرد بنیں کیوں کہ آپ چار سال کے بچے نہیں ہیں اس لیے مردانگی پیدا کریں اور اندر آکر پیزا رکھیں۔

اُشنا شاہ نے اپنی دوسری ٹویٹ میں ہٹ دھرمی کا مظاہرہ کرتے ہوئے مزید بتایا کہ اگر وہ پیزا ڈلیوری بوائے پرسکون انداز سے گھر کے اندر آجاتا تو میری کتیا (پٹ بل) اسے صرف سونگھتی اور پھر پیار کرتی۔

اشنا شاہ کی جانب سے خود بیان کیے جانے والے اس تضحیک آمیز رویے پر سوشل میڈیا صارفین کی جانب سے انہیں شدید تنقید کا نشانہ بنایا گیا۔

عطیہ عباس نامی خاتون نے برہمی کا اظہار کرتے ہوئے کہا کہ کیا آپ کی طبیعت ٹھیک ہی آپ نے فوڈ سروس انڈسٹری سے وابستہ ایسے شخص کی تضحیک کی ہے جنہیں زیادہ کام کرنے کے باوجود کم تنخواہ ملتی ہے، آپ کو شرم آنی چاہیے۔

اعصام احمد نے کہا کہ کہانی کا دوسرا حصہ تو یہ ہونا چاہیے کہ آپ اس ڈلیوری بوائے کو تلاش کریں اور اس سے معذرت کریں تاکہ دوبارہ اس طرح کی حرکت نہ ہو اور آئندہ کسی کو بھی اپنے خون خوار کتے کا نشانہ نہ بنائیں۔

صارفین کی جانب سے تنقید کیے جانے پراُشنا شاہ نے ندامت کے بجائے ڈھٹائی کا مظاہرہ کرتے ہوئے کہا کہ پیزا بوائے سے متعلق بات پر ہر کوئی رو رہا ہے، سچ تو یہ ہے کہ میں کتیا کو ہاتھ میں اٴْٹھائی ہوئی تھی اور ڈلیوری بوائے نے اندر آنے سے انکار کردیا تھا ۔

ابتدائی دس منٹ تک میں یہی کہتی رہی کہ میرا وعدہ ہے کچھ نہیں ہوگا میں نے کتیا کو پکڑا ہوا ہے اس لیے گزر جائیں، بہادر بنیں شاباش لیکن وہ اندر نہیں آیا۔ اُشنا شاہ نے یہ بھی کہا کہ میں نے اس کا حوصلہ بڑھایا پر کام نہیں آیا لیکن جب اس کی مردانگی کو چیلنج کیا تو وہ فوری اندر آگیا۔