پاکستانی انٹرٹینمنٹ انڈسٹری کی معروف اقرا عزیز اور یاسر حسین کی جوڑی ایک بار پھر سوشل میڈیا صارفین کے ریڈار پر آگئی، دونوں کو سخت تنقید کا نشانہ بنایا جارہا ہے۔

گزشتہ روز یاسر حسین نے انسٹاگرام اکاؤنٹ سے ایک تصویر شیئر کی جس میں انہوں نے اپنی منگیتر اقرا عزیز کو گود میں اٹھایا ہوا تھا۔

 

View this post on Instagram

 

hello Miami 🏖 💕 @iiqraaziz

A post shared by Yasir Hussain (@yasir.hussain131) on Oct 14, 2019 at 7:18am PDT

جیسے ہی انہوں نے یہ تصویر شیئر کی تو سوشل میڈیا پر مداحوں کی ایک کثیر تعداد نے ان پر تنقید کے نشتر برسانا شروع کردیئے۔

عثمان ملک نامی ایک صارف نے لکھا کہ 'محبت ہو ہی گئی ہے یا شادی ہوگئی ہے تو تھوڑی حد میں رہیں یہ کوئی طریقہ نہیں ہے تصاویر بنانے کا'۔

دانی نامی ایک صارف نے لکھا کہ 'مطلب کچھ بھی؟ اپنے منہ میاں مٹھو'۔

آج کل یہ جوڑی چھٹیاں منانے کے لئے میامی گئی ہوئی ہے اور یہ دونوں اپنے مداحوں سے وہاں لی جانے والی تصاویر بھی شیئر کررہے ہیں۔

واضح رہے کہ اقرا اور یاسر آئے روز کسی نہ کسی وجہ سے سوشل میڈیا صارفین کے ریڈار پر آتے رہتے ہیں۔