ابوظہبی: گزشتہ دنوں ایک بزرگ ابوظہبی ایئرپورٹ پر پہنچے تو پاسپورٹ دیکھ کر حکام میں کھلبلی مچ گئی۔

بھارت سے تعلق رکھنے والے ان بزرگ نے حکام کو جب اپنا پاسپورٹ دکھایا تو اس پر درج ان کی عمر پڑھ کر آفیسرز حیرت کے مارے آنکھیں جھپکنا بھول گئے۔

ڈیلی میل کی رپورٹ کے مطابق سوامی شیوآنند نامی ان شخص کے پاسپورٹ پر درج عمر کے مطابق وہ 123 سال کے تھے۔

سوامی نے ائیرپورٹ آفیسرز کو بتایا کہ پاسپورٹ پر میری تاریخ پیدائش بالکل درست ہے۔ میں 8 اگست 1896ء کو بھارتی شہر کلکتہ کے مضافات میں واقعی آبادی "بیہالہ" (Behala) میں پیدا ہوا تھا۔

سوامی نے یہ دعویٰ بھی کیا کہ اس وقت وہ دنیا کے طویل العمر حیات انسان ہیں۔

آفیسرز نے جب ان سے اتنی طویل عمر کا راز پوچھا تو ان کا کہنا تھا کہ یوگا اور جنسی عمل سے گریز میری طویل عمری کے راز ہیں۔

انہوں نے کہا کہ میں زندگی بھر کنوارا رہا ہوں اور عمر بھر یوگا کرتا رہا ہوں۔