نیو دہلی: رپورٹ کے مطابق فلم ساز  کرن جوہر دنیا کی حسین ترین خاتون کا تاج اپنے سر پرسجانے والی 20 سالہ بھارتی حسینہ مانوشی چھیلر کو اپنی نئی فلم 'اسٹوڈنٹ آف دی ایئر 2' کا حصہ بنانے کیلئے تیار ہیں۔

افواہوں کے مطابق  مانوشی کو ٹائیگر شروف کے ساتھ کاسٹ کیا جائے گا جبکہ رپورٹ کا کہنا ہے کہ فلم ساز کرن جوہرمس ورلڈ مانوشی کی خوبصورتی اور  خود اعتمادی سے بےحد متاثر ہیں۔

رپورٹ کے مطابق  فلم ساز مس ورلڈ کو اپنی فلم کا حصہ بنانے میں کافی  دلچسپی دکھا رہے ہیں ، کرن سب سے پہلے مانوشی سے مس اندیا کی تقریب میں ملے جس کے بعد دونوں کی ملاقات فلم فیئر گلیمر اینڈ اسٹائل ایوارڈز میں ہوئی۔

واضح رہے کہ مانوشی چھیلر نے مس ورلڈ کا تاج اپنے سر سجا کر پورے بھارت کا سر فخر سے اونچا کردیا۔سال 2000 میں پرینکا چوپرا نے مس ورلڈ کا خطاب جیتا تھا جس کے17 سال بعد  مس ورلڈ کا ٹائٹل بھارت کے نام پھر سے ہوا۔

فلم'اسٹوڈنٹ آف دی ایئر2' کا مداح بے تابی سے انتظار کررہے ہیں  اور اب لگتا ہے کہ فلم میں دو  اداکارئیں کو لیا جائے گا، ایک چنکی پنڈے کی بیٹی اننیا اور دوسری مانوشی چھیلر۔

بشکریہ: زی نیوز